РАЙОНТИ çул çỹрев хăрушсăрлăхĕн патшалăх инспекцийĕнчен пĕлтернĕ тăрăх çуран çỹрекенсем час-часах çул урлă ăçта май килчĕ унтан, хăш-пĕр чухне автомашина умĕнченех чупса каçаççĕ. Çапла майпа вĕсем çул-йĕр правилине пăсаççĕ, ыттисемшĕн авариллĕ лару-тăру туса хураççĕ, хăрушлăх кăларса тăратаççĕ. Е тата çамрăксем хăлхана чиксе хунă хатĕрпе (наушникпе) киленсе кĕвĕ итлесе пыраççĕ, çав вăхăтрах çул урлă каçаççĕ. Унталла-кунталла пăхса илесси пирки шутламаççĕ те.
Патшалăх автоинспекцийĕн справкисенчен кашни уйăхра тенĕ пекех автомашина водителĕсем граждансене çул урлă каçарса яманнипе е вĕсем çине пырса кĕнĕрен протокол çырнă тĕслĕхсем те пулаççĕ. Ун пек чухне руль умĕнчи яваплă çыннăн административлă парво йĕркине пăсни çинчен калакан Кодексăн 12.18 статйипе 1500 - 2000 тенкĕ штраф тỹлеме тивет.
Апрель 2024 |