Çурхи шыв-шур ан кăтарттăр хур

Категория: Публикации Опубликовано: 09.04.2019 15:10 Просмотров: 166

Пирĕн районти хăш-пĕр ялсенчи уйрăм çемьесене çурхи ейỹ сарăлнă вăхăтра шыв илме пултарать. Çак зонăна çакланакансен чăн малтанах çурт-йĕр таврашĕнчи шыв çулне лайăх уçса ямалла; тĕпсакайсемпе подвалсенчи вентиляци шăтăкĕсене шыв кĕрсе каясран хупламалла, унти çимĕçсене илсе тухмалла; пурлăхпа япаласене çỹлерех хăпартмалла, выльăх-чĕрлĕхпе транспорт хатĕрĕсене хăрушлăхсăр вырăна куçармалла, çемье членĕсене вăхăтлăх пурăнмалли вырăн пирки ыйтăва татса памалла.

Эвакуациленĕ чухне кирлĕ документсемпе медикаментсене, пурлăха, ытти кирлĕ япаласене ятарлă сумкăна чиксе вĕсен списокне хатĕрлемелле

Ура айне шыв килнĕ. Мĕн тумалла?

- Электричествăпа газ приборĕсене сỹнтермелле, кантăксемпе алăка ытти шăтăксене лайăх питĕрмелле;

- пулăшу служби киличчен эвакуациленмелли хатĕрсене (автомобиль камери, вĕрсе хăпартнă матрац) илсе çỹлти хута е çурт тăррине хăпарса тăмалла;

- шыв илнĕ территорирен тепĕр çынна медицина пулăшăвĕ парас тесен, лару-тăру йывăрланса çитсен е айккинчен пулăшу çуккине туйсан çеç хăвăр тĕллĕн эвакуациленмелле;

- шыва лекрĕр пулсан йывăр япаласене хăвăр çинчен хывмалла, çывăхра ишсе çỹрекен япаласенчен тытăнса пулăшу çитессе кĕтмелле.

Хăрушлăх иртнĕ хыççăнхи ĕçсем

Шыв сарăлни иртсе кайнă хыççăн пỹрте кĕрсенех асăрханмалла: çурт стени, мачча, урай ишĕлмелле мар-и? Чи кирли тата пĕлтерĕшли -электричество тата газ çутиччен ăна тĕрĕслĕр: ăçтан та пулин газ тухса тăмасть е замыкани памасть-и? Шыв сăрхăнса типиччен пỹрте хутса ăшăтма юрамасть. Малтанхи вăхăтра пусăри шывпа апат-çимĕç пĕçерни те сывлăхшăн хăрушлăх кăларса тăратать. Пĕр-пĕр усал чир ан çаклантăр тесе савăт-сапана тĕплĕн çумалла, çурт-йĕре шал енчен йăлтах тасатмалла.

Шыв-шур сарăлнă вăхăтра йывăрлăха кĕрсе ỹксен çак телефонсемпе шăнкăравламалла: пĕрлехи пулăшу служби - 01, 112, 101; полици _ 02, 6-14-92,102; васкавлă пулăшу - 03, 6-17-92, 103; авариллĕ газ служби -04, 6-12-26,104; электросеть диспетчерĕ - 6-13-97; районти ЕДДСн оперативлă дежурнăйĕ - 6-12-11; район прокуратури - 6-13-97.

Г. КАЛЛИН, район администрацийĕн ятарлă программăсен пайĕн начальникĕ

Добавить комментарий

Яндекс.Новости

Архив материалов

Июль 2019
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4