Чăваш чĕлхи кунне халалласа "Авангард" хаçат редакцийĕ викторина ирттерчĕ. Вулакансене 5 ыйту хуравлама сĕннĕччĕ.

Шăнкăравсем чылай пулчĕç. Чи малтанах Аслă Чементи вăтам шкулта акăлчан чĕлхине вĕрентекен Н. Кошелева çыхăнчĕ. Надежда Васильевна пур ыйтăва та тулли хурав пачĕ. Ăна парне кĕтет. Сăмах май çакна та палăртмалла. Вĕрентекен хаçатпа тахçантанпах туслă. Вырăнтан хыпарсем çитерсех тăрать. Интереслĕ темăсем çутатать.

Аслăрах çулхисем викторинăна явăçни кăмăллă. Шкулта вĕренекенсем вара хăш-пĕр датăна пăтраштарни малашне вĕсене тимлĕрех пулма хистет.