Халăх вăйĕпе - кĕлĕ çурчĕсем

Категория: Публикации Опубликовано: 14.06.2019 09:43 Просмотров: 166

Июнĕн 11-мĕшĕнче Улатăр тата Пăрачкав епархийĕн епископĕ Феодор хутшăннипе Кивĕ Катекре Турă Амăшĕн Хусан иконĕ ячĕллĕ часовньăна уçрĕç тата ăна сăвапларĕç. Владыкăпа пĕрлех Кивĕ Катексемшĕн асра юлакан мероприятие Улатăрпа Пăрачкав епархийĕн III округ благочиннăйĕ Николай Марков протоиерей, районти ытти чиркỹ настоятелĕсем, район администрацийĕн пуçлăхĕ Рудольф Селиванов, Çĕнĕ Ахпỹрт ял тăрăх пуçлăхĕ Алексей Майрушкин, Турра ĕненекенсем хутшăнчĕç.

Часовньăна ял хастарĕсен пуçарăвĕпе тата халăх вăйĕпе иртнĕ çул тума пикеннĕ. Кĕске вăхăтрах ял çыннисем кĕлĕ çуртне хăпартса, йĕри-таврашне илем кỹме ĕлкĕрнĕ.

Çак кунхинех Феодор Владыка Кĕçĕн Патăрьелĕнче шурă гвардеецсене хирĕç пынă çапăçура пуç хунă граждан вăрçин паттăрне Петр Крепковпа унăн юлташĕсене асăнса лартнă палăк (вилтăпри çинче), çил арманĕ вырнаçнă территоринче те часовня уçса сăвапларĕç. Малашне çав вырăн туристсемшĕн тата пысăк пĕлтерĕшлĕ пулмалла. Кунта Чăваш Республикин тава тивĕçлĕ художникĕ Юрий Ювенальев тата Сергей Ювенальев ỹнерçĕ-дизайнер территорие хăтлăлатас тĕлĕшпе проект хатĕрленĕ.

Ыр кăмăллăх тав сăмахĕсĕр пулмасть. Строительствăра хастарлăх кăтарнисене Владыка Феодор тата ял тăрăх пуçлăхĕсем Алексей Майрушкинпа Константин Михеев Хисеп хучĕсемпе Тав çырăвĕсене парса чыс турĕç.

А. НИКОЛАЕВА

Добавить комментарий

Яндекс.Новости

Архив материалов

Декабрь 2019
Пн Вт Ср Чт Пт Сб Вс
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5