Кашни паттăрăн ячĕ Тĕп храмра упрантăр

Категория: Публикации Опубликовано: 19.07.2019 10:16 Просмотров: 95

ТЕМИÇЕ уйăх каялла хаçат вулаканĕсене çĕршывăн тĕп хулинче -Мускавра - "Патриот" культурăпа кану паркĕнче Раççей Федерацийĕн Хăç-пăшаллă Вăйсен Тĕп храмне тунине, ăна 1941 - 1945 çулсенчи вăрçăра пуç хунă паттăрсене халалланине пĕлтернĕччĕ. Çавна май çак храмра пирĕн пурнăçшăн пуç хунă мĕн пур паттăр ячĕпе хушаматне, ашшĕ ятне, ăçта службăра пулнине, сăн ỹкерчĕкне базăна кĕртесшĕн. Ырă та пархатарлă шухăш, паллах. Сăваплă ĕçе ял тăрăх ĕçченĕсен, обществăлла организацисен, уйрăм хастарсен, паттăрсен тăванĕсен пулăшăвĕсĕр пурнăçлаймăн. Мĕншĕн тесен Юхмапа Пăла тăрăхĕнчен те вăрçă хирĕнчен ултă пин ытла салтак фронтран таврăнайман. Вĕсен ячĕ ĕмĕрлĕх храмăн базинче упранĕ, вăрçăра пуç хунă кирек кам пирки ыйтакан информаци те тỹрех чиркỹ сцени çине тухма пултарĕ. Çавăнпа та çак кунсенчех кашни çемье хăйсен тăванĕсен сăн ỹкерчĕкĕпе кĕске информацине районти çар комиссариатне çитерме тăрăшмалла. Шел пулин те, пирĕн районта ку тĕлĕшпе "пăр" тапраннă теме çук-ха. Хальлĕхе шутлă çынсем çеç материалсене çар комиссариатне илсе килнĕ. Çитес çул Раççейре ят панă Астăвăмпа мухтав çулталăкне кĕтсе илнĕ май ырă пуçарура эпир те пысăк хастарлăх кăтартма тивĕçлĕ.

Добавить комментарий

Яндекс.Новости

Архив материалов

Август 2019
Пн Вт Ср Чт Пт Сб Вс
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1