Каçхи хупах çынсене пысăк чăрмав çеç кỹрет

Категория: Публикации Опубликовано: 19.07.2019 10:19 Просмотров: 126

 ПАТĂРЬЕЛĔНЧИ Мир урамĕнчи 24, 25 çуртсенче пурăнакансем хаçат редакцине ытахальтен е вăхăт ирттерме çеç шăнкăравламарĕç-тĕр. Ытларах чухне çын тарăхса е тулса çитсен камран та пулин пулăшу ыйтма тăрăшать. Çакскерсем вара чăн малтан вĕсен умĕнчи "Добрый" магазин çуртĕнче уçнă хупах çурчĕ питĕ пăшăрхантарнине пĕлтерчĕç. Иртен-çỹрене тỹрех ăнланмалла мар акăлчан чĕлхипе çырса хунă "Dubai Lounge" каçхине 23 сехетрен пуçласа çур çĕр иртсе икĕ сехетчен ĕçлет. Çак вăхăтра çынсен шăпах тутлă ыйхă, каннă вăхăт. "Хăш-пĕр каçсенче кунта çывăрма мар, хăлхана йăлăхтаракан шăв-шавран таçта çити тухса тарас килет. Хальхи вăхăтра чылай çемьере хуласенчен килнĕ мăнуксем пурăнаççĕ. Вĕсем те канаймаççĕ. Эпир çак "Дубая" кĕрсе курман, паллах. Анчах унта кальян мăкăрлантарнине те калаççĕ. Ун пек хупах пирĕн ялта кирлĕ-ши? Çамрăксене тĕрĕс çултан пăрăнма çеç пулăшмасть-и вăл?" _ пăшăрханса та тарăхса калаçрĕç пенсионерсем, ĕç ветеранĕсем. Хисеплĕ ватăсен шухăшне хирĕçлеме çук, паллах. Раççей Федерацийĕн саккунĕпе килĕшỹллĕн кашни гражданин каçхи канăçлăхшăн хăйне саккунпа килĕшỹллĕн хỹтĕлеме тивĕç.

Добавить комментарий

Яндекс.Новости

Архив материалов

Декабрь 2019
Пн Вт Ср Чт Пт Сб Вс
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5