Пушар ан кăтарттăр шар

Категория: Публикации Опубликовано: 01.10.2019 09:48 Просмотров: 162

СЕНТЯБРĔН 25-мĕшĕ тĕлне районта 43 пушара шута илнĕ, пĕлтĕр çак вăхăт тĕлне 26 çеç пулнă. Вут-çулăмра 3850140 тенкĕлĕх пурлăх кĕле çаврăннă. Япала вырăнне япала туянма май пур, анчах çын пурнăçне тавăрма çук. Инкекре виççĕн вилнĕ, иртнĕ çул пĕр тĕслĕх пулнă.

Специалистсем пĕлтернĕ тăрăх, пушарсем ытларах чухне çын вут-çулăмпа асăрханманнипе (21 тĕслĕх), электрооборудованисемпе хăрушсăрлăх правилисене пăхăнмасăр усă курнипе (12), кăмакасем юсавсăррипе (7), транспортсен электросистемисем йĕркеллĕ ĕçлеменнипе (2) тата ача-пăча чарусăрлăхĕпе (1) пулаççĕ.

Инкек курас мар тесен пушар хуралĕнче ĕçлекенсем асăрханулăха ỹстерме, вут хутнă кăмакана пĕччен тăратса хăварма юраманнине, çулăм тухма пултаракан çурăксене сапламаллине, хăрăма тасатмаллине, пĕр розеткăна темиçе электроприбор чикме юраманнине калаççĕ. Тĕтĕм йăсăрланнине курсанах телефонпа 01,101 е 112 номерсемпе шăнкăравласа пĕлтермелле.

Добавить комментарий

Яндекс.Новости

Архив материалов

Октябрь 2019
Пн Вт Ср Чт Пт Сб Вс
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3