Ăçта ĕçлени пĕлтерĕшлĕ мар

Категория: Публикации Опубликовано: 19.11.2019 11:33 Просмотров: 102

Нумаях пулмасть çитес çулхи январь уйăхĕнче 3 процентлă "Ялти ипотека" вăя кĕресси пирки илтрĕм. Кам тата мĕнле тĕллевпе илеет-ши ăна?

Л. ПЕТРОВА.

Ыйтăва Россельхозбанкăн Чăваш Енри филиалĕн директорĕ Ирина Письменская хуравлать.

- Çак программăпа килĕшỹллĕн ял çыннисем, çавăн пекех хуларан яла пурăнма куçма хатĕрленекенсем те, çурт-йĕр условийĕсене лайăхлатма чи пĕчĕк процентпа - çулталăкра 3 процент ставкăпа - кредит илме пултарĕç. Программăпа усă курса ял-салара вырнаçнă куçман пурлăх объекчĕсене туянма, çавăн пекех маларах илнĕ ипотека кредичĕсене тỹлесе татма пулать. Хатĕр çурта е çуртпа çĕр лаптăкне суту-илỹ килĕшĕвĕпе те, строительствăна пая кĕмелли килĕшỹпе те уйрăм çынран та, юридици сăпатĕнчен те илме ирĕк параççĕ. Çавăн пекех кредит укçи-тенкипе çĕр лаптăкĕ туянма, унта подряд килĕшĕвĕпе çурт лартма, заемщикăн харпăрлăхри çĕр лаптăкĕ çинче çурт-йĕр строительстви пуçарма, маларах тума пуçланă çурта подряд килĕшĕвĕпе хута яма юрать. Программăпа 21-65 çулсенчи Раççей гражданĕсем усă курма пултараççĕ. Çын ялта пурăнать-и е хулара-и - уйрăмлăх çук, ăçта ĕçлени те пĕлтерĕшлĕ мар. Çавăн пекех çуртра пропискăна тăма та ыйтмаççĕ. Ипотекăна 100 пинтен пуçласа 3 млн тенкĕ таран чи нумаййи 25 çуллăха параççĕ. Пĕрремĕш тỹлев - 10 процент, ун вырăнне патшалăх субсидийĕсемпе усă курма юрать. "Ялти ипотекăна" гражданинăн пĕр хутчен усă курма юрать.

Добавить комментарий

Яндекс.Новости

Архив материалов

Декабрь 2019
Пн Вт Ср Чт Пт Сб Вс
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5