Тĕрлĕ номинаципе иртрĕ

Категория: Публикации Опубликовано: 19.11.2019 11:42 Просмотров: 105

Раççей Академийĕн академикĕ Геннадий Волков педагог ячĕпе хисепленсе тăракан Шупашкарти 62-мĕш вăтам шкулта регионсем хушшинчи "Хавхалану" этнокультура фестиваль-конкурсĕ иртрĕ. Ăна Геннадий Николаевича халалланă. Кăçалхипе вăл тăххăрмĕш çул пулчĕ. Унта педагогсем, шкул ачисем тата садике çỹрекенсем хутшăнчĕç.

Конкурс тĕрлĕ номинаципе иртрĕ. Çав шутра "Г.Н. Волков калавĕсене чи лайăх вулакан", "Г.Н. Волков произведенийĕсене чи лайăх ỹкерсе илемлетекен", "Проза тата поэзи" ("Тăван çĕршыв", "Чăваш Ен", "Шупашкар", "Г. Н. Волков", "Раççейĕн паллă çыннисем" патриот темипе çырăннă тата ытти автор хайлавĕсем), "Г.Н. Волков ĕçĕсемпе хатĕрленĕ чи лайăх буктрейлер (кĕске видеоролик)".

Фестиваль-конкурса Анат Туçари пуçламăш шкул-садри кĕçĕн классене вĕрентекен Л. Маркова тата 4 класри А. Казакова та хутшăнчĕç. Людмила Валентиновна "Проза тата поэзи" номинацире педагогсем хушшинче иккĕмĕш, Арина виççĕмĕш вырăнсене йышăнчĕç.

А. ИВАНОВА

Добавить комментарий

Яндекс.Новости

Архив материалов

Декабрь 2019
Пн Вт Ср Чт Пт Сб Вс
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5