Агротехникум техникăпа пуянланать

Категория: Публикации Опубликовано: 10.01.2020 10:59 Просмотров: 196

Патăрьелĕнчи агротехникума "Вĕрентỹ" наци проекчĕпе килĕшỹллĕн регионта пурнăçланакан "Çамрăк профессионалсем" проекта реализацилесе яш-кĕрĕм професси ăсталăхне ỹстерме май паракан хальхи вăхăтри оборудованипе техника илсе килнĕ. Чăваш Енре лабораторисемпе мастерскойсене пуянлатассипе сахал мар ĕçлеççĕ, çакă квалификациллĕ специалистсем хатĕрлеме, Ворлдскиллс стандарчĕпе экзаменсене тытма пулăшать. Патăрьелĕнчи агротехникумри повара вĕренекен студентсем малашне пароконвектоматсемпе, сивĕтекен шкафсемпе, пулас водительсемпе трактористсем çĕнĕ техникăпа хăйсен ăсталăхне туптĕç. Вĕрентỹ учрежденийĕн директорĕ С. Кальметов пĕлтернĕ тăрăх, çывăх вăхăтра "Сварка технологийĕ", "Çăмăл автомашинăсене юсасси тата пăхса тăрасси", "Машинăпа трактор паркĕнчи техника тивĕçтерĕвĕн тата юсавĕн мастерĕ" компетенцисемпе 45 млн тенке яхăн хатĕр килмелле.

Район администрацийĕн пуçлăхĕ Р. Селиванов çĕнĕ техникăпа паллашнă май Патăрьелĕнчи агротехникум ял хуçалăхĕнчи кадр ыйтăвне татса пыма пулăшасса, квалификациллĕ специалистсем вара район аталанăвне тỹпе хывасса шаннине пĕлтернĕ.

(Хамăр корр.)

 

 

Добавить комментарий

Яндекс.Новости

Архив материалов

Март 2020
Пн Вт Ср Чт Пт Сб Вс
24 25 26 27 28 29 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5