Пирĕн ентеш

Категория: Публикации Опубликовано: 11.03.2020 11:03 Просмотров: 112

РСФСР халăх çут ĕçĕн отличникĕ, ЧАССР аслă шкулăн тава тивĕçлĕ ĕçченĕ, филологи наукисен кандидачĕ, чĕлхе тĕпчевçи Александр Сергеевич Уськин (Патăрьел ялĕ) çуралнăранпа 100 çул (12.03.1920 - 06.09.2008) çитет.

А. Уськин Патăрьелĕнчи педагогика училищинчен, И. Я. Яковлев ячĕллĕ Чăваш патшалăх педагогика институтĕнчен (халĕ университет) вĕренсе тухнă. Патăрьел тата Йĕпреç районĕсенчи шкулсенче учительте ĕçленĕ. 1949-1967 çулсенче И. Я. Яковлев ячĕллĕ Чăваш патшалăх педагогика институтĕнче вăй хунă. 1967-1992 çулсенче - И. Н. Ульянов ячĕллĕ Чăваш патшалăх университечĕн вырăс чĕлхин кафедрин доценчĕ.

Александр Сергеевич 30 ытла наука ĕçĕпе 4 монографи авторĕ. Тĕп ĕçĕсем: "Некоторые вопросы методики преподавания русского языка в V-VIII классах чувашской школы", "Понятие структуры и системы языка", "Лексико-грамматический класс имен в русском и чувашском языках" тата ыттисем те.

Ăна Тăван çĕршывăн Аслă вăрçин I тата II степеньлĕ, Хĕрлĕ Çăлтăр, Халăхсен туслăхĕ орденĕсемпе, медальсемпе, Чăваш АССР Верховнăй Совет Президиумĕн, РСФСР çут ĕç министерствин Хисеп грамотисемпе наградăланă.

("Çулталăк кĕнекинчен").

Добавить комментарий

Яндекс.Новости

Архив материалов

Апрель 2020
Пн Вт Ср Чт Пт Сб Вс
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3