ÇИТЕС çулхи февралĕн 8-мĕшĕнче Юхмапа Пăла тăрăхĕнче тухса тăракан "Авангард" хаçатăн пĕрремĕш номерĕ кун çути курнăранпа 90 çул çитет. Çак тапхăрта районти МИХ хатĕрĕпе туслă çыхăну тытакансем пиншерĕн. Паллах, вĕсен пысăк пайĕ - аслă ăру çыннисем, хисеплĕ ĕç ветеранĕсем. Акă, Еншикре пурăнакан Н. Сурнаева хăйĕн ачалăхне ас тума пуçланăранпах район хаçатне çырăнса илнине кăмăлтан каласа парать. Малтан- ашшĕ-амăшĕ, кайран хăйсем çырăннă. Культура ĕçченĕн хисеплĕ ветеранĕ 50 çул ытла "Авангарда" алăран ямасть.