Кĕрхи культурăсем акатпăр, лартатпăр

Категория: Публикации Опубликовано: 16.10.2020 13:32 Просмотров: 186

 Октябрьте кĕрхи суханпа ыхра лартмалла. Маларах йăран çине 1 тăваткал метра 5 кг çĕрĕк тăпри, 2 апат кашăкĕ суперфосфат, 500 грамм йывăç кĕлĕ хывмалла. Севок сухан - вĕтти, ыхра шултри кирлĕ (лартас умĕн шăлне уйăрмалла).

Касă тарăнăшĕ - 4 см, унăн хушши 15-20 см пулмалла. Вăрлăха пĕр-пĕринчен 5 см хăварса лартмалла. Çиелтен тăпрапа, пăчкă кĕрпипе хупламалла.

Çанталăк шăнтсан каллех пăчкă кĕрпипе хупламалла. Çуркунне ăна пуçтарса илмелле.

Укроп, петрушка

Тăпрана удобрени хывмалла: пĕр тăваткал метр пуçне 6 кг çĕрĕк тăпри, 1 апат кашăкĕ суперфосфат, 0,5 кг йывăç кĕлĕ. Вăрлăха ислетме юрамасть. Касă тĕпне 2 см хулăнăш хăйăр хумалла, вăрлăха акмалла. Çиелтен тăпрапа, пăчкă кĕрпипе хупламалла.

Тымар çимĕç

 3-4 градус сивĕтсен кишĕрпе кăшман акма юрать. Йăран хатĕрлемелле: çĕре чавса çĕрĕк тăприпе тата йывăç кĕлĕпе хутăштармалла. Касă 3 см тарăнăш пулмалла, тĕпне пусăрăнтармалла. Ăна хуплама тăпра хатĕрлемелле: хăйăрпа çĕрĕк тăприне пĕр пек виçепе хутăштармалла, ăшă вырăнта упрамалла. Тăпра 5 см тарăнăш шăнсан типĕ вăрлăх акмалла. Енчен те юр ỹксен йăрана тасатса вăрлăха маларах хатĕрленĕ хутăшпа, пăчкă кĕрпипе хупламалла.

Пĕлме

Пахчара пăчкă кĕрпи вырăнне час-часах кивĕ хаçатпа усă кураççĕ. Ăна йăран çине темиçе сий сарса çĕр çумне пăралукпа çирĕплетеççĕ. Хаçат сарăхать, унтан хуралать. Вăл хĕвел çинче лайăх хĕрет. Ун айĕнче тăпра 3-4 градус ăшăрах, кăпăшка та нỹрĕ тăрать.

Газета

Архив материалов

Январь 2021
Пн Вт Ср Чт Пт Сб Вс
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Все новости

Яндекс.Метрика