Çĕнĕ çĕр çуллăха пуçларăмăр

Категория: Публикации Опубликовано: 05.07.2021 09:06 Просмотров: 263

Патăрьелсем - Республика кунĕнче

 Июнĕн 24-мĕшĕнче Чăваш Ен хăйĕн тĕп уявне - Республика кунне - паллă турĕ. Уяв кунхине Шупашкарта массăллă мероприяти чылай иртнĕ. Акатуй кунхине тĕп хуламăрти "Амазония" этнокомплексра кашни район хăйĕн этнокультурипе, йăли-йĕркине кăтартакан "картишсем" хатĕрленĕ.

Юхмапа Пăла тăрăхĕ этнокомплекса çĕр ĕçченĕпе çыхăннă экспонатсене, материалсене пахалама тăратнă. Куракансемшĕн Патăрьелсем меслетпе, алă арманĕпе, кĕрпе хатĕрлени кăсăклă пулнă. Кунтах анатри чăвашсен кил-тĕрешри хăтлăхĕпе, йăли-йĕркипе те паллашма май пулнă.

Мĕн пур чăвашăн ака-суха хыççăнхи пĕрлехи Акатуйĕнче пирĕн районти творчество ушкăнĕсем - Патăрьелĕнчи культурăпа кану центрĕнчи юрăпа ташă халăх ансамблĕ (ертỹçи Раççей Федерацийĕн тата Чăваш Республикин культурăн тава тивĕçлĕ ĕçченĕ Анатолий Шакин, аккомпаниаторĕ Чăваш Республикин культурăн тава тивĕçлĕ ĕçченĕ Петр Никитин) гала-концертра, Чăваш Республикин тава тивĕçлĕ культура ĕçченĕ Владимир Верликов ертсе пыракан купăсçăсен "Салам", Алманчăсен "Туслăх" ансамблĕсем "Раççей çăл куçĕсем" фестивальте хăйсен пултарулăхне кăтартнă.

 (Хамăр кор.).

Газета

Архив материалов

Сентябрь 2021
Пн Вт Ср Чт Пт Сб Вс
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

Все новости

Яндекс.Метрика