Районта выльăх апачĕ хатĕрлес ĕç малалла пырать. Нумай çул ỹсекен курăксене 9275 гектар е мĕн пур лаптăкăн 76,9 процентне çулнă.

Утă кирлинчен 41,9 процент, урăхла каласан 4223 тонна хатĕрленĕ.

Сенаж 9595 тонна (45,1 процент) янтăланă. Сивĕ кунсене валли пĕр условнăй выльăх пуçне хальлĕхе 8,3 апат единици чухлĕ хатĕрленĕ.

Чир-чĕртен, хурт-кăпшанкăран хỹтĕлесе пĕрчĕллĕ тата пăрçа йышши культурăсен 13750 гектарне им-çам тата 14622 гектарне çум курăкран гербицид сапнă. Ку ĕç районти ял хуçалăх предприятийĕсемпе фермер хуçалăхĕсенче малалла пырать.