ЮЛАШКИ çулсенче хулара çеç мар, ялсенче те скутерпа çỹрекенсем йышланчĕç. Çăмăл техникăна парăнтарма йывăрах мар пулин те, унăн рулĕ умне лараканăн ытти водительсем пекех çул-йĕр-правилине лайăх пĕлмелле. Унсăр пуçне скутерпа е мопедпа çула тухаканăн "В" категориллĕ удостоверени те кирлĕ. Ун пек чухне "М" категори те пур шутланать.
Çак кунсенче Патăрьелĕнче аслă çул çинче скутерпа пулнă аварин сăлтавĕ - водитель пăрăннă чухне руле итлеттерейменни. Çакскер тимĕр карта çине пырса тăрăннă та васана чăмнă. Районти çул-йĕр инспекторĕсем çирĕплетнĕ тăрăх 32 çулхи арçыннăн удостоверени те, ОСАГО та пулман-мĕн. Çитменине тата пуçне шлем та тăхăнман. Юрать-ха пăтăрмах синкерлĕ çаврăнса тухман, водителе çийĕнчех больницăна ăсатнă.
Апрель 2024 |