РАÇÇЕЙ телевиденийĕн пĕрремĕш каналĕпе Александр Васильев ертсе пыракан "Модный приговорăн" юлашки кăларăмĕ пирĕн районта çеç мар, республикăра пурăнакансемшĕн те пăхма кăсăклă пулчĕ. Çĕршывăн тĕп подиумĕнче капăр тумпа мăнаçлăн утса çỹресе мода кăтартакан, малашне хăйĕн тум стильне улăштарма ĕмĕтленекен чиперкке Патăрьелĕнчи Людмила Алешева. Вăл передачăна пĕччен килмен, Веня пиччĕшĕпе хутшăнчĕ. 33 çулхи хĕрарăм çĕнĕ модăллă тумне пахалакан стилистсемпе куракансене чăваш кĕпипе, хушпу-тевечĕпе çеç мар, тăван чĕлхепе юрă шăрантарса та тĕлĕнтерчĕ, çамрăк чухне пысăк хулара пурăнма ĕмĕтленнине, апла пулин те паянхи кун ял пурнăçнех суйласа илнине те хавхаланса каласа пачĕ.