РАЙОНТИ пушар надзорĕн иртнĕ çулхи кăтартăвĕсенчен вут-кăвар тухнă сăлтавсенчен пĕри - электричество пăралукĕсем кивелсе юрăхсăрланни. Кĕске замыкание пула вут хыпни. Нумай пулмасть Хирти Пикшикри уйрăм хуçалăхри мунчаран тухнă инкек те çакнашкал сăлтавпах çыхăннă. Юрать-ха, шар куракансен пỹрчĕ тĕпĕ-йĕрĕпех çунса кайман... Районти пушар хуралĕн инспекторĕсем тĕпченĕ тăрăх кил хуçисем 2004 çултах хуçалăхри электропроводкăсене çĕнетнĕ пулнă. Унтанпа вĕсем, паллах, кивелнĕ. Хăрушсăрлăх йĕркине пăхăнас тесен вара вĕсене вăтамран вунă çултан улăштарса тăмалла.