АСЛĂ ăру çыннисем Çăварни уявне епле савăнăçлă та кăмăллă ирттернине ас тăваççĕ-тĕр. Ун чухне ватти-вĕтти тенĕ пекех лашасемпе катаччи чупнă. Урхамахĕсемпе çунисене вара юмахри пек капăрлатнă, илемлетнĕ пĕкĕ çине тавралăха янратакан шăнкăравсем çакнă, çуна çинчи пикисем çỹçеллĕ тутăр çыхнă... Вăл çеç мар-ха... Катаччи чупакансем кунĕпе тенĕ пекех хуткупăспа юрласа ялти кашни урама кĕрсе тухнă, çынсене уявпа саламланă, икерчĕпе сăйланă, çуркунне çитнĕшĕн савăнса ташланă-юрланă. Халĕвара çак ырă йăлана пăхăнакансем питĕ сахал. Чăн-чăн паттăрсене (çаплах калас килет) ялта сайра-хутра çеç курма пулать. Лаша усракансем те чĕлхесĕр янаварсене "тимĕр утпа" улăштарчĕç. Кăçал тата коронавирус чирне пула уява халăхпа пухăнса ирттерме май килмест. Çăварни икерчине килтех çийĕпĕр.
Май 2024 |
Пн | Вт | Ср | Чт | Пт | Сб | Вс |
29 | 30 | 1
|
2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |