ЮЛАШКИ кунсенче çанталăк çумăрлă та сивĕ пулни чылай ĕçе пурнăçлама чăрмантарчĕ пулин те кăмпаçăсене çуркуннен юлашки уйăхĕ савăнăç çеç илсе килчĕ темелле. Вăрмантан тулли кунтăкпа тухакансем пĕри те тепри кăçалхи евĕр шултăра та нăçтăркка кăтра кăмпа курманнине калаççĕ. Çĕр мăкăртса тухакан çимĕçсем пысăкăшпе кушак пуçĕнчен те кая мар! Çапах та çуркуннехи пĕрремĕш кăмпана лайăх пĕçернĕ хыççăн çеç усă курмаллине тепĕр хут аса илтеретпĕр. Вăрмана çỹрекенсен сăвăс ларса хăйсене сиен кỹресрен те питĕ сыхланмалла.