Асăну хăми вырнаçтарчĕç

Категория: Публикации Опубликовано: 05.08.2022, 10:39 Просмотров: 825

Чăваш Енри Мухтавлă ентешсен çулталăкĕнче Шăнкăртамра нумай çул ял Совет председателĕнче ĕçленĕ Зарифулла Еремеев çурчĕ çине асăну хăми вырнаçтарнă. Зарифулла Алимович ял аталанăвĕшĕн курăмлă ĕç тунă.

 Çак ятпа йĕркеленĕ мероприятие район администрацийĕн пуçлăхĕн çумĕ, строительство, обществăлла инфратытăм аталану пайĕн начальникĕ Равиль Ямалетдинов, ял тăрăхĕн пуçлăхĕ Минсур Валитов, АПК ветеранĕсен канашĕн председателĕн çумĕ Тальгат Шакуров, Чăваш Республикин вĕрентỹ институчĕн ректорĕ, филологи наукисен докторĕ Юрий Исаев, Пĕтĕм Раççейри тутар çемйисен фончĕн директорĕ Миляуша Гарифуллина, Чăваш Енри Общество палатин членĕ Шарипжян Касаров, мăсăльман прихучĕсен имамĕсем тата ял халăхĕ хутшăннă.

Асăну хăми вырнаçтарассине АПК ветеранĕсен канашĕн ларăвĕнче йышăннă.

Общество организацийĕн çак пуçарăвне пурте ырланă. Зарифулла Еремеев Шăнкăртамра çуралса ỹснĕ. Ĕçлĕ пурнăçне 17 çулта "Звезда" колхозра пуçланă. Пахчаçă, бригадир, колхоз председателĕ пулнă. 39 çул вара ял Совет председателĕнче ĕçленĕ.

Ăна ЧАССР Верховнăй Совет Президиумĕн Хисеп грамотипе, "Ĕçре палăрнăшăн" медальпе наградăланă.

А. КАПИТОНОВА

Архив материалов

Март 2024
Пн Вт Ср Чт Пт Сб Вс
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Яндекс.Метрика