РАЙОНТА çĕр ĕçĕпе тăрăшакансем çулсеренех тĕрлĕрен техника туянаççĕ. Çак арçын та Интернетра ял хуçалăх ĕçĕсене пурнăçлакан пĕчĕк трактор сутнине курсан савăннă. Тахçанах ĕмĕтленнĕ вăл ун пек "хурçă ут" туянма. Вăхăта вăраха тăсмасăр тавар сутаканпа электронлă майпа килĕшỹ çырнă, ытти документсене алла илнĕ, техникăна килсех пама шантарнă хыççăн çакскер 370 пин тенкĕ укçине куçарнă та панă. Чике тăршшĕ ларса юласса шутлама та пултарайман-ши, апăрша çынни? Шаннă "йăвара" вара кайăкĕ пулман, ĕмĕтри пĕчĕк техникăна кĕтсе илейменрен унăн йĕрке хуралĕн сотрудникĕсенчен пулăшу ыйтма тивнĕ...