РАЙОНТИ пушар надзорĕн начальникĕ Андрей Тукмаков хаçат редакцине пĕлтернĕ тăрăх паянхи кун тĕлне районта 63 пушар пулнă. Вăл шутра пушар хуралĕн сотрудникĕсем Сăкăтра виççĕмĕш хут вутпа куçа-куçăн кĕрешнĕ. Иртнĕ кĕçнерникун пĕччен пурăнакан арçыннăн çурт-йĕрĕ те, хуралтисем те вут-çулăм серепинче юрăхсăра тухнă. Сăлтавне экспертсем пайăрлатаççĕ. Çурт хуçи хăй те инкекре аллине хуçнă, пиçсе те кайнă. Халĕбольницăра сипленет.

Хальхи вăхăтра коллективсенче, шкулсемпе ача сачĕсенче Çĕнĕ çул ячĕпе мероприятисем йĕркелеççĕ, гирляндăсем çутаççĕ, шаплатакан хатĕрсемпе те усă кураççĕ тата ытти те. Районти пушар надзорĕ уявра вĕсемпе усă курнă чухне хăрушсăрлăх правилине пăхăнмаллине питĕ çирĕп асăрхаттарать.