ИРТНĔ шăматкун, февралĕн 18-мĕшĕнче, православи тĕнне ĕненекенсемшĕн пиртен уйрăлнă тăванăмăрсене асăнмалли кун пулчĕ. Чиркĕве çỹрекенсем вĕсене асра тытса тата асăнтарса Турă çăкăрне кастарчĕç, çуртасем лартрĕç, кĕлĕсене хутшăнчĕç. вырсарникун Аслă Çăварни уявĕ пулчĕ.

Февралĕн 26-мĕшĕнче вара Аслă Мăнкун праçникĕ умĕн пĕр-пĕринчен каçару ыйтмалли вырсарникун. Çак кунхине шухăшпа е сăмахпа çилентернĕ çынсенчен каçару ыйтма именмелле мар. Çитес тунтикунтан вара аслă типĕ пуçланать. Вăл çичĕ эрнене пырать. Çак вăхăтра эрех-сăрапа ашкăнманни, типпе пăхăнни, хамăра сăпайлă та тирпейлĕ тытни, кĕлĕ çуртне çỹрени сăваплă.