Инкек пуриншĕн те пулать пĕрре, унтан сыхланмалла пĕрле

Категория: Публикации Опубликовано: 08.05.2018 09:43 Просмотров: 68

Çулсеренех çут çанталăк чĕрĕлсе ешĕл тумтир тăхăннă вăхăтра районти пушар хуралĕн службине шăнкăравсем çине-çинех килеççĕ. Кăçал та çаплах темелле. Вĕсем тип курăксемпе çỹп-çап çунтарнă тĕслĕхсемпе çыхăннă. РФ Правительствин 2012 çулхи апрелĕн 25-мĕшĕнчи "Пушара хирĕçле режим çинчен" ("О противопожарном режиме") постановленийĕпе тип курăка, хăрăк-турата та ял хуçалăх продукчĕсем туса илекен çĕр çинче çунтарма юрамасть. Аса илтеретпĕр: çак сăлтавпа айăпа кĕнĕ граждансене надзор органĕн сотрудникĕсем 5 пин, должноçри çынсене 50 пин, юридика пĕлтерĕшлисене вара 1 миллион (!) тенкĕ штраф пама пултараççĕ. Хальхи вăхăтра ЧР Министрсен Кабинечĕн постановленийĕпе килĕшỹллĕн ака уйăхĕн 20-мĕшĕнчен пуçласа республикăра пушара хирĕç режим малалла тăсăлать.

Нумай пулмасть Шăхач ялĕнче çĕрле Атитановсен хуçалăхĕнче пушар тухнă. Инкекĕн сăлтавĕ - электрооборудованипе усă курнă чухне асăрханманни. Сăмах май каласан, ку таранччен районта вут-кăварпа çыхăннă 13 инкеке шута илнĕ.

Добавить комментарий

Яндекс.Новости

Архив материалов

Октябрь 2018
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4