"УСАЛ чир-чĕртен сыхланас, асăрханас, вăтам ĕмĕре вăрăмлатас тесен сывлăх сыхлавĕн мĕнле йĕркине пăхăнмалла? Сире мĕнле чир канăçсăрлантарать, унран мĕнле сипленмелле?.."- çакнашкал вуншар ыйтăва татма пулăшаççĕ "Сывлăх патне утăм" проектпа территори пайĕсене тухса çỹрекен тухтăрсен ушкăнĕ. Иртнĕ эрнекун Аслă Чемен территори пайĕнче пурăнакансем шăпах Патăрьелĕнчи тĕп больницăри тĕрлĕ врачпа куçа-куçăн калаçса сĕнỹ-канаш илнĕ, юн анализне панă, хăйсене кăсăклантаракан ытти ыйтăва та хускатнă. Пĕр кунта 180 яхăн пациента хăйсен ыйтăвĕпе йышăннă.