НУМАЙ пулмасть çеç хаçат вулаканĕсене Патăрьелĕнчи "Батыр Карп" команда Пенза облаçĕнче карп тытассипе пĕрремĕш вырăн йышăнни пирки хыпарланăччĕ. Спортсмен-пулăçсем çак кунсенче Орлов облаçĕнче иртнĕ пысăк чемпионатра та Патăрьелсен ятне чыслăн хỹтĕленĕ. Команда чысĕшĕн тăрăшакан Петр Ялуковпа Александр Филиппов хальхинче те чи-чи вăйлă 27 пулăçă-мăшăр хушшинче иккĕмĕш вырăн йышăнма пултарнă, 37 карп тытнă. Вĕсенчен чи пысăкки 16 килограмм ытларах тайнă.

Юлашки çулсенче спортăн анлă сарăлнă ытти тĕсĕпе пĕрлех пулă тытассипе ăмăртасси те вăй илсе пырать çеç мар, пирĕн спортсменсем ку тĕлĕшпе Раççей шайĕнче палăрни те кăмăллă.