ВАТТИСЕМ лаша пуласси тихаран паллă, тенĕ. Ỹс- сен мĕнле çын е кам пулассине те ачаранах тĕшмĕртме пулать. Нумай пулмасть çеç Мускаври телеканалпа Жанна Бадоева ертсе пыракан пултаруллă ачасен "Лучше всех!" шоу-кăларăмĕнче Тури Туçари Глинкинсен мăнукĕ, 7 çулти Артем Осипов хутшăнчĕ, куракана хут купăс каласа тĕлĕнтерчĕ. Арçын ачан пỹрнисем чăн-чăн музыкантăнни пек выляса çеç тăраççĕ. Халĕ вăл темĕнле юрра та кĕвĕпе илемлетме маçтăр. Паян çак ача кĕсье телефонне мар, юратнă музыка инструментне алран ямасть. Ỹссе çитсен Артем чăн-чăн ăста купăсçă пуласса шанас килет.