КĂÇАЛХИ кĕр мăнтăрĕ Шăнкăртамри Зухра Мтиева çемйине савăнтармаллипех савăнтарнă. Анкартинче вĕсем тĕрлĕ йышши кавăн акса çитĕнтернĕ. Вĕсенчен сарă пуçлă Atlantic Giant текен сорт хуçасене хăйĕн тухăçĕпе тĕлĕнтернĕ. Пысăк çыннăн ытамне те вырнаçайман пĕр кавăнĕ çеç 90 килограма яхăн тайнă. Вырăнĕ те, çанталăкĕ те тивĕçтерсен çакнашкал çимĕçсем 1000 килограмм таранчченех çитĕнме пултараççĕ-мĕн! Мтиевсем те малашне хăйсен "рекордне" çултан-çулах çĕнетесшĕн. Вăрлăхне вара кил хуçи хĕрарăмĕ Раççейре кавăн çитĕнтерессипе мала тухса палăрнă Андрей Гусевран çырăнса илнĕ. Унăн пахчинчи тĕлĕнтермĕш кавăнсем 700-шер килограма çити ỹснĕ.