ВАТĂ çынсем мĕн ĕлĕкех хĕл мĕнле пулассине Пукрав праçникĕнчен тĕшмĕртнĕ. Вăл çулсеренех пĕр кунта, октябрĕн 14-мĕшĕнче пулать. Православи тĕн йăли-йĕркине тытса пыракансен праçник кунĕнче юр çусан, хĕл пĕр уйăхран ларать теççĕ. Е тата çил кунĕпех çурçĕр енчен вĕрсен, хĕлле сивĕ пулать, кăнтăртан вĕрсен вăл ăшă пулать текен каларăш та пур. Пукравччен çынсем яланах кантăксене питĕрнĕ, кил ăшши тарасран тĕп сакай шăтăкĕсене те хупланă. Хĕле çапла тĕплĕн хатĕрленсе кĕтсе илнĕ. Эсир вара шартлама сивĕсене хапăл тума хатĕр-и?

 Сăмах май каласан, Юхмапа Пăла тăрăхĕнчи вĕренỹ, сывлăх учрежденийĕсенче, ытти организаци-предприятисенче те уйăх пуçламăшĕнчех ăшă паракан котельнăйсем ĕçлеме пикеннĕ.