Кире пуканĕ йăтассипе Шупашкарти маунтинбайк центрĕнче "Хыпар" хаçат парнисене тивĕçессишĕн турнир иртнĕ. Çакă вăл йăлана кĕнĕ пулăм çеç мар. Унта хутшăнакансем яланах йышлă. Вăл çак енлĕ спорта анлăн сарассипе те, çитĕнекен ăрăва воспитани парассипе те çыхăннă. Сумлă ăмăртăва тава тивĕçлĕ спорт мастерĕсем çеç хутшăнмаççĕ. Шăпах çак турнирта çĕнĕ ятсем, Раççейĕн пулас чемпионĕсем палăраççĕ.

Чăваш Ен тĕп хулине вăйлă, малашлăхлă спортсменсем 39-мĕш хут пуçтарăннă. Турнир географийĕтата та анлăланнă. Ăмăртăва кỹршĕ регионсенчен, Мускавран, Санкт-Петербургран, Раççейĕн кăнтăр тата çурçĕр енче пурăнакан çирĕп те кĕрнеклĕ арçынсем, каччăсемпе хĕрсем тата ветерансем хутшăннă.

 Патăрьел муниципалитет округĕн "Паттăр" спорт шкулĕн спортсменĕсем Карина Плечовăпа Алексей Елкин (тренерĕсем А.Алексеевпа В.Глинкин) икшер хутчен хисеп пьедесталĕ çине хăпарнă.

 Альбина ИВАНОВА