Ульяновск хулинче çулленех Рашид Алтынбаев тренера, ăста наставника асра тытса турнир йĕркелеççĕ. Вăл кавир çинче хастар кĕрешнĕ, СССР чемпионачĕсенче пĕрре мар çĕнтернĕ, СССР спорт маçтерĕн ятне тивĕçнĕ,

 Регионсем хушшинчи ирĕклĕ майпа кĕрешекен çамрăксен турнирне Ульяновск, Самар, Оренбург облаçĕсенчен, Мордва, Тутарстан, Дагестан, Чăваш Республикисенчен, çавăн пекех Удмуртпа Казахстанран 300 ытла спортсмен хутшăннă. Пирĕн муниципалитет округĕн чысне вара "Паттăр" спорт шкул воспитанникĕ Рамазан Тазетдинов хỹтĕленĕ. 51 килограмлă виçе категорийĕнче вăл çĕнтерỹçĕ пулнă.

Мала тухнисене Ульяновск хула администрацийĕн физкультурăпа спорт управленийĕн кубокĕсемпе, медальсемпе, дипломсемпе наградăланă. "Паттăр" спорт шкул воспитанникĕ Рамазан Тазетдинов (тренерĕ Вячеслав Спиридонов) чемпион пиçиххине те тивĕçнĕ