ЕРИПЕН хура кĕркунне те çывхарса килчĕ. Çанталăка сăнакансем çирĕплетнĕ тăрăх, çывăх кунсенчех юрпа хутăш çумăр та çумалла, сивĕ кунсем те алăк урати умĕнчех темелле... Çавăнпа та автомашина хуçисен хăйсен транспорчĕсен ураписене хĕллехи çине улăштарма хатĕрленмелле. Çул-йĕр службин инспекторĕсем шипаллă резина кустăрмасене пăрлă çанталăк пуçланиччен чылай малтан, сывлăш температури 5-7 градуса çитсенех улăштарма сĕнеççĕ. Мĕншĕн тесен ирпе тата каçхине тата ытларах сивĕтет. Çул-йĕр правилипе çыхăннă йĕркене пăхăнсан автомашинăпа инçе çула тухма та шанчăклă.