"Вĕрентỹ" наци проекчĕн "Ку чухнехи шкул" регион проекчĕпе килĕшỹллĕн Патăрьелĕнчи пĕрремĕш вăтам шкулта цифрлă вĕрентỹ уçлăхĕ уçăлчĕ. Мероприятие муниципалитет округĕн администрацийĕн вĕрентỹ, çамрăксен политики, физкультурăпа спорт управленийĕн начальникĕ Ирина Рубцова, Запорожье облаçĕн Бердянск районĕнчи Осипенкăри управлени команди те хутшăнчĕ.

Шкул директорĕ Наталия Андреева ачасемпе вĕренекенсене вĕрентỹ тата наука сферинче палăрмаллах ỹсĕмсем тума коллектива ăнăçу сунчĕ. Ирина Рубцова цифрлă вĕрентỹ уçлăхĕ пĕтĕмĕшле культура пуянлăхне аталантарма, пĕлỹлĕхе хăпартма, проект ĕçĕ-хĕлĕнче усă курма, ачасен, педагогсен, ашшĕ-амăшĕн хăй тĕллĕн аталанас ăсталăхне ỹстерме май панине палăртрĕ.

Хăйăва касма Ирина Рубцова, Наталия Андреева, республика, муниципалитет шайĕнчи ăсталăх тата интеллектуаллă конкурссен, ăмăртусен çĕнтерỹçи Данил Левяшкин тивĕç пулчĕç. Проекта хутшăнни вĕренекенсене цифра уçлăхĕпе усă курма, тĕрлĕ шайри вĕренĕве пахалăхлă алла илме май парать.

 Альбина ИВАНОВА