Шупашкарта ирĕклĕ майпа кĕрешсе Чăваш Республикинче мала тухассишĕн 2004-2006 çулсенче çуралнă арçын ачасем, 2007-2008 çулсенчи хĕрачасем хушшинче ăмăрту иртнĕ.

Хăйсен вăй-халне виçме кунта Шупашкар, Канаш, Вăрнар, Çĕрпỹ, Патăрьел, Йĕпреç, Хĕрлĕ Чутай, Красноармейски, Комсомольски, Муркаш, Вăрмар, Елчĕк муниципалитет округĕсенчен, Канаш, Шупашкар, Çĕнĕ Шупашкар, Улатăр хулисенчен 200 ытла çамрăк килнĕ.

Патăрьелĕнчи "Паттăр" спорт шкулĕн воспитанникĕсем те ăмăртуран кăмăллă таврăннă. Игорь Рябчиков (51 килограмлă виçере) пĕрремĕш, Иван Кутузов (125), Дмитрий Власов (92), Андрей Козлов (70), Арина Огурцова (46), Дарья Михайлова (50) иккĕмĕш, Марс Яббаров (60), Рамиль Тигашев (65) виççĕмĕш вырăнсене йышăннă.

Кĕрешỹçĕсен çитĕнĕвĕнче Вячеслав Спиридоновпа Илдар Вахитов тренерсен тỹпи пысăк.