Сывлăха çирĕплетекен "Спартак" спорт комплексĕнче республикăра 12-13 çулсенчи арçын ачасем, 14-15, 18-21 çулсенчи хĕрсемпе каччăсем хушшинче мас-рестлингпа (пĕр-пĕринчен патак туртса илессишĕн) ăмăртса мала тухассишĕн тупăшрĕç. Кунти çĕнтерỹçĕсем Раççейри ăмăртусене хутшăнаççĕ.

Арçын ачасем хушшинче Арсений Кальметов (70 килограмченхи виçере) пĕрремĕш, Данил Макаровпа (60) Нияз Шакуров (80) иккĕмĕш, Дамир Вахитов (50), Роберт Шакуров (80) виççĕмĕш, хĕрсенчен Эльвина Сафина (60), Эльвина Земдиханова (70) иккĕмĕш, Айзиля Абдуллова (40) виççĕмĕш вырăнсенче пулчĕç. Вĕсемпе Ильфак Алеев тренер ĕçлет.