КĔР мăнтăрĕпе ылтăн, изумруд, тимĕр туйсене паллă тăвакан хисеплĕ мăшăрсем сахал мар. Ноябрьте çеç Патăрьелĕнчи Владимирпа Антонина Илюткинсем, Тăрăнти Иванпа Алевтина Красновсем, Шăнкăртамри Миннереиспа Миндания Хафизовсем, Ринатпа Гузелия Халитовсем, Шăхаль Выселкинчи Федорпа Анастасия Пироговсем, Треньелĕнчи Федорпа Лидия Муськинсем, Тури Чакăри Галинăпа Николай Едривановсем, Алманчăри Николайпа Светлана Михеевсем, Кĕçĕн Патăрьелĕнчи Леонидпа Елизавета Илюткинсем мăшăрланни 50 çул çитет.

Шăхачри Леонидпа Мария Тетинсем, Тутар Сăкăтри Хайдарпа Галия Таракановсем, Нăрваш Шăхалĕнчи Михаилпа Нина Никитинсем, Пăлакассинчи Владимирпа Светлана Журавлевсем 55 çул каялла çемье чăмăртанă. Вĕсене çывăх çыннисем изумруд туй ячĕпе саламлĕç.

Ыхра Çырминчи Рахимуллапа Равия Хамидулловсем вара ноябрĕн 14-мĕшĕнче тимĕр туйне паллă тăваççĕ. Ултă ача ашшĕпе амăшĕ 65 çул пĕр-пĕрне ăнланса пурăнаççĕ.