ЙЫТĂ çыншăн тăватă ураллă тус çеç мар, пысăк хăрушлăх кăларса тăратакан та пулма пултарать. Уйрăмах урамра ирĕккĕн çỹрекенни кирек кама та сехĕрлентерет. Акă, нумай пулмасть çеç Патăрьелĕнчи Советская урамри тротуарпа пыракан ачана кукăр хỹре çыртнă та илнĕ. Шар куракана больницăна илсе кайма, пулăшу пама тивнĕ.

 Кĕркуннепе хĕлле йытăсем пĕчченшерĕн çеç мар, ушкăнпа та кĕпĕрленсе çỹреççĕ. Хăшĕ-пĕри тата вĕсене кăкаркăçран уçăлма урама та кăларса ярать. Çакăн пек туни вара тата пысăк хăрушлăх кăларса тăратать.