НОЯБРĔН виççĕмĕш вырсарникунĕнче çулсеренех (2005 çултанпа) Раççейре аваринче ĕмĕрлĕх куçне хупнă тăванăмăрсене, çывăх çыннăмăрсене асăнмалли куна паллă тăваççĕ. Çак йăла Патăрьел муниципалитет округĕнче те çирĕпленнĕ. Акă, иртнĕ вырсарникун, ноябрĕн 17-мĕшĕнче Юхмапа Пăла тăрăхĕнчи чиркỹ настоятелĕсемпе кĕлĕ çуртне çỹрекенсем тата округри ГИБДД сотрудникĕсем хутшăннипе хĕреслĕ çул çỹрев йĕркеленĕ, Патăрьел округĕн чиккинче аварисенче вилнисен канлĕхĕшĕн кĕлĕ ирттернĕ, инкекрен асăрханмалли, çул çинчи тимлĕ пулмалли пирки калаçнă. Статистика кăтартăвĕсенчен куллен çĕршывра 350 яхăн авари пулни паллă. Вĕсенче 40е яхăн çын вилет, 400 ытла çын аманать. Кăçал çеç çул-йĕр çинчи инкекре 11535 çын вилнĕ, вĕсенчен 674-шĕ ачасем.

Çак кунхинех полицин участокри уполномеченнăйĕсем професси уявне паллă тунă. Йĕрке хуралĕн çак служби 101 çул тултарнă.