ПРАВОСЛАВИ тĕн йăли-йĕркине тытса пыракансемшĕн çитес эрнерен, ноябрĕн 28-мĕшĕнчен, Раштав типпи пуçланать. Вăл тăватă эрне пулать, 2025 çулхи январĕн 6-мĕшĕнче вĕçленет.

Çак тапхăрта сывă пурнăç йĕркине пăхăнни, типĕ тытни, лăпкă пурăнса кĕлĕ çуртне çỹрени, çылăхсене каçарттарса Турă юнне ăша илни, çынна ырă туса алă тăсса пулăшни пархатарлă утăм. Хальхи вăхăтра уйрăмах Украинăри ятарлă çар операцине хутшăнакан салтаксен çĕнтерĕвĕшĕн кашни çын хăйĕн тỹпине хывни пĕлтерĕшлĕ. Раштав типпинче пурте пĕрле вĕсемшĕн кĕл туни, çар пурнăçĕнче кирлĕ япаласене вĕсем патне çитерни те сăваплă ĕç.