ПАТĂРЬЕЛĔНЧИ пĕрремĕш вăтам шулта 4а класра вĕренекен Василиса Иванова вĕренỹ отличници çеç мар, вăл шкул тулашĕнчи мероприятисене те хастар хутшăнать, спортра та (триатлон енĕпе ăмăртса тĕрлĕ хулана та çитнĕ, малти вырăнсене йышăнать) кăтартуллă, пушă вăхăтра ашшĕпе амăшне кил-тĕрешре пулăшнисĕр пуçне тĕрлĕрен темăпа ỹкерме, сăвăсем вулама тата вĕсене пăхмасăр вĕренме юратать. Чиперккен çитĕнĕвĕ пурне те савăнтарать. Акă, нумай пулмасть çеç вăл Шупашкарти "Планета" кондитерски Амăшĕсен кунне йĕркеленĕ ỹкерчĕксен республикăри конкурсне хутшăнса çĕнтернĕ, тутлă торт илме тивĕçнĕ, çемйине кучченеçпе савăнтарнă.

 Сăмах май каласан, Ивановсем çак кунсенче улттăмĕш пепкине алла илнĕ. Василисăн халĕ икĕ аслă пиччĕшĕ тата виçĕ кĕçĕн йăмăкĕ пур. Хĕрача пысăк çемьере, пысăк ĕмĕтпе çитĕнет. Туслă çемье общество пурнăçĕнче питĕхастар. Патăрьел муниципалитет округĕнчи централизациленĕ библиотека çумĕнчи "Çемье" клубăн хастар членĕсем вырăнти конкурссене çеç мар, республика шайĕнчисене те тăтăшах хутшăнса ырă енĕпе палăраççĕ.