Аннемĕр кунĕ умĕн муниципалитет округĕнче Украинăри ятарлă çар операцийĕнче пуçне хунă паттăрсен амăшĕсене тĕл пулăва чĕнчĕç.

Мероприятие муниципалитет округĕн пуçлăхĕ Рудольф Селиванов, "Защитники Отечества" патшалăх фончĕн Чăваш Республикинчи филиалĕн ертỹçи Елена Зайцева, "Раççей почти" акционерлă пĕрлешĕвĕн Чăваш Енри почта çыхăнăвĕн управленийĕн директорĕ Максим Ладилов тата ыттисем хутшăнчĕç, уявпа саламларĕç.

"Аннерен хакли никам та çук. Эсир чăн-чăн Раççей паттăрĕсене çитĕнтернĕ. Сирĕн хуйхăра пусарма та çăмăл мар. Çавах эсир пĕччен мар. Эпир сирĕнпе, сире пулăшма яланах хатĕр",- терĕ Рудольф Васильевич пухăннисен умĕнче пуçне тайса. Ĕмĕрлĕх чĕре суранĕ юлнă амăшĕсенче. Кашнийĕн куççулĕ юхрĕ. Пĕрешкел хуйхăллăскерсем юратнă ывăлĕсене аса илсе вĕсем çинчен каласа пачĕç. Хăйсене йывăр вăхăтра пулăшу кỹрекенсене тав турĕç.

Муниципалитет округĕнчи культура ĕçченĕсем амăшĕсене халалланă юрăсене чуна витермелле шăрантарчĕç