Патăрьел муниципалитет округĕнче патшалăх пулăшăвĕпе усă курса çулсеренех пĕчĕк тата вăтам предпринимательлĕх аталанса, çак çул çине тăракансен йышĕ хушăнса пырать. Ку тĕлĕшпе Юхмапа Пăла тăрăхĕ республикăра пиллĕкмĕш вырăн йышăнни те çакнах çирĕплетет.

Паянхи куна Юхмапа Пăла тăрăхĕнче 1261 субъект хăйсен ĕçĕпе тимлет. Пĕчĕк тата вăтам бизнес çулĕ çине тăнисем иртнĕ çулхи çак вăхăтрипе танлаштарсан 2,8: ỹснĕ. Кăçалхи январь-октябрь уйăхĕсенче индивидуаллă предпринимательсене тата хăйсен ĕçне уçнă хастарсене шута илсен бизнес сферинче тăрăшакансен 6069 çынпа танлашать.

2024 çулхи ноябрĕн 20-мĕшĕ тĕлне муниципалитет округĕнчи ял хуçалăх таварĕсем туса кăларакан 116 АПК организацийĕ пĕтĕмĕшле илсен 212 миллион тенкĕлĕх патшалăх пулăшăвĕпе усă курнă. Ку вăл республика калăпăшĕн 11,7:.

Кăçал çулталăк пуçланнăранпа Юхмапа Пăла тăрăхĕнчи тавар туса кăларакансем 166,2 миллион тенкĕлĕх çăмăллатнă 19 кредитпа усă курнă.

Муниципалитет округĕнче патшалăх пулăшăвĕпе хăйсен ĕçне уçса малалла тăсакансем йышлансах пыраççĕ. Ку таранччен 337 çын 48 миллион та 790 пин тенкĕ укçапа тĕллевлĕ усă курнă. Ку вăл республикăри пĕтĕмĕшле калăпăшăн 34,9 проценчĕ пулать. Вăл шутра:

 - ĕне усрама - 2 миллион та 339 пин тенкĕ (304 çын 329 ĕне пăхаççĕ);

- сурăх е качака усрама - 6 пин тенкĕ (2 çын 12 сурăх усраççĕ);

- ĕне туянма - 38 миллион та 559 пин тенкĕ (204 çын 555 ĕне туяннă);

 - сурăх туянма - 390 пин тенкĕ (8 çын 78 сурăх туяннă);

- пыл хурчĕсем ĕрчетме материал туянма - 88,8 пин тенкĕ (2 çын 143 единицв материал);

- минераллă удобренисем туянма - 25,8 пин тенкĕ (пĕр çын);

- ял хуçалăх техникипе оборудовани туянма - 7 миллион та 381 пин тенкĕ (32 çын 43 единица техника туяннă) илнĕ.

Çакна та палăртма кăмăллă. Чăваш Республикинче бизнеса аталантарас тĕллевпе патшалăх енчен финанс пулăшăвĕпе чи хастар усă куракансем Шупашкар предпринимателĕсем. Вĕсем хыççăн иккĕмĕш вырăнта пирĕн Патăрьел муниципалитет округĕн бизнесменĕсем.

 Андрей ВОРОБЬЕВ, Патăрьел муниципалитет округĕнчи администрацин экономика, ял хуçалăх тата инвестици ĕç-хĕл пайĕн начальникĕн çумĕ