Юридика ăслăлăхĕсен докторĕ, профессор, Чăваш Республикин тава тивĕçлĕ юрисчĕ Владислав Николаевич Уруков (29.11.1959) 65 çул каялла Çĕнĕ Ахпỹртре çуралнă.

В. Уруков зенитпа ракета командин аслă училищинче, Мускаври патшалăх юридика академинче, КГБн çар контрразведкин аслă курсĕнче вĕреннĕ. 1984-1994 çулсенче çар контрразведка тытăмĕнче, 1994-2007 çулсенче И.Н. Ульянов ячĕллĕ Чăваш патшалăх университечĕнче аслă преподаватель, доцент, кафедра заведующийĕ, профессор пулса ĕçленĕ. 2010 çултан пуçласа Нацисем хушшинчи гуманитарипе техника институчĕн (Шупашкар) юридика факультечĕн юриспруденци кафедрин профессорĕ пулса тăрăшать. Пирĕн ентеш - юриспруденци дисциплинипе ăслăлăх ĕçĕсемпе вĕрентỹ пособисен авторĕ. Унăн тĕп ĕçĕсем: "Воля и волеизъявление в гражданском праве", "Российское вексельное законодательство и практика его применения", "Проблемы правового регулирования векселя в российском гражданском праве", "Вексель", "Предпринимательское право", "Торговое (коммерческое) право" тата ыттисем те.

 ("Çулталăк кĕнекинчен")