ХАЛЬХИ вăхăтра кермен пек çурт-йĕр лартма та, шукăль тумланма та, тутлă апат çиме е аякри çĕршыва канма кайма тата ытти те нимĕнле чăрмав та çук. Ун пек чухне кĕсьере "кĕмĕлĕ" çеç пултăр темелле пуль. Анчах вăл çеç те çителĕксĕр. Пурнăçра сывлăх "уксахласан" нимĕн пурнăçлама та кăмăл пусарăнчăк. Ăна вара нимĕнле пуянлăхпа та танлаштараймăн, саплаштараймăн. Акă, маларахри уйăхра çеç статистика кăтартăвĕпе Юхмапа Пăла тăрăхĕнчи арçынсем вăтамран 64, хĕрарăмсем 80 çул пурăннине çырнăччĕ. Ноябрьти пĕтĕмлетỹ те шухăша ярать. Хĕрарăмсен вăтам ĕмĕрĕ вăрăмланни савăнтарать, паллах. Вĕсем 87 çул пурăнаççĕ. Анчах çемье пуçлăхĕсем вăтамран 62рех ĕмĕрлĕх уйрăлса кайни пăшăрхантарать...