ЮХМАПА Пăла тăрăхĕнче пурăнакансене çĕнĕ хыпарпа савăнтаракан "Авангард" хаçатпа тăтăшах çыхăну тытакансем ăна çитес çулшăн çырăнма ĕлкĕрнĕ ĕнтĕ. Пĕрисем ăна почтальон урлă, теприсем хаçат редакцине килсе илмелли условипе çырăннă. Çĕлен çулталăкне те юратнă хаçатпах пуçлас текенсем кая юлман-ха. "Чун апатне" хăйсем валли çырăнма та, çывăх тус-юлташне, тăванне, çав вăхăтрах ĕç коллективне çырăнса пама та май пур. Ку тĕлĕшпе "Батыревский" пĕрлешỹре (ертỹçи Петр Ялуков), "Исток" çĕр ĕç фирминче (Александр Илюткин) тата ытти хăш-пĕр хуçалăхра хăйсен ĕçченĕсене "Авангард" хаçата çырăнса парса савăнтараççĕ.