ПУРТЕ кĕтекен Çĕнĕ çулпа Раштав уявĕсем вăрăма тăсăлĕç. Ĕç кунĕсем 2025 çулхи январĕн 9-мĕшĕнче çеç пуçланаççĕ. Çавăнпа та йĕрке хуралĕн сотрудникĕсен çынсем йышлă пулакан вырăнсенче, парксенче, уяв лапамĕсенче тăтăшах пулма, тимлĕхе тата ытларах ỹстерме те тивĕ.

 Вырăнти территори пайĕсенче дежурствăсем йĕркелени те сыхлăхпах, тăнăçлăхпах çыхăннă. Ку тĕлĕшпе кашнийĕнех пушар таврашĕнчен, çул-йĕр инкекĕнчен те асăрханмаллах. Шăпăрлансемпе кĕçĕн класра вĕренекен ачасене килте хăйсем тĕллĕн çеç пăрахса хăварни те синкерлĕхпе, пысăк çухатупа, тăкакпа çыхăнма пултарать.