ЮЛАШКИ çулсенче Алманчăра пушарта çын вилнĕ тĕслĕх пĕрре мар пулчĕ. Акă, каллех çакнашкал тепĕр усал хыпар. Патăрьел муниципалитет округĕнчи пушар надзорĕн начальникĕ Андрей Тукмаков хаçат редакцине пĕлтернĕ тăрăх, декабрĕн 23-мĕшĕнче çур çĕр çитеспе Мышовсен хуçалăхĕнче пушар алхасма пикеннĕ. Çак çуртра пурăнакан икĕ арçынран пĕри (46 çулта пулнă) вут-кăвар инкекĕнчен хăтăлайман. Пушарăн сăлтавĕ - пỹртрех чикарккă мăкăрлантарни.

Ку таранччен Юхмапа Пăла тăрăхĕнче 60 пушара шута илнĕ. Вут-кăвар алхаснипе çыхăннă инкек иртнĕ çулхи çак вăхăтрипе танлаштарсан 20 процент ỹснĕ.