Республикăри граждансене хỹтĕлес, чрезвычайлă лару-тăрăва асăрхаттарас тата сирес, пушар хăрушсăрлăхĕпе тивĕçтерес енĕпе ĕç-хĕле пĕтĕмлетнĕ. Иртнĕ çул Чăваш Енре пысăк инкексене пулма паман: вĕсем сиксе тухассине, сиен калăпăшне чакарнă. Çакна пĕтĕм шайри патшалăх влаç органĕсем лайăх ĕçленипе, асăрхаттару ĕçĕсене тухăçлă пурнăçланипе тума май килнĕ. Пĕлтĕр чрезвычайлă лару-тăрусен шучĕ икĕ хут чакнă. Пĕтĕмлетỹ тунă май Правительство çуртĕнче ку енĕпе уйрăмах тăрăшуллă пулнисене тĕрлĕ наградăпа чысланă.

Палăртма кăмăллă, Патăрьел округĕ чрезвычайлă лару-тăрăва асăрхаттарас тата сирес енĕпе ĕçлекен пĕрлехи тытăмăн 2024 çулхи пĕтĕмлетĕвĕпе II степеньлĕ диплома тивĕçнĕ.

Александр ИВАНОВ