Çĕнĕ çул пуçламăшĕнче çулленех библиотекăсенче пĕрремĕш вулавçа палăртаççĕ. Еншик вулавăш пунктĕнче вара кăçал урăхларах та хатĕрленнĕ. Унăн заведующийĕ кăмăллă кĕтменлĕхсем палăртнă: пĕрремĕш вулавçа валли парне, ыттисем валли сувенирсем - çемçе теттесем, магнетиксем, пылак çимĕç - хатĕрленĕ. Ыйтусен хуравне те илтесшĕн пулчĕ вăл. 2024 çулта вуланă чи лайăх кĕнекесене пĕлесшĕн пулчĕ.

 Чи малтанах вулавăша Егор Сурнаев çитрĕ. Вăл çулталăк символне - çĕлене тивĕçрĕ. Ун хыççăн Тимофейпа Семен Красновсем килчĕç. Викторина ыйтăвĕсене хуравласа вĕсем те парнеллĕ пулчĕç. Ытти ачасем те кăмăлтан килчĕç кунта.

 (Хамăр корр)